DÜNYA


Çində Merbok qasırğasına görə 100 min nəfər təxliyə edilib

Pekin, 13 iyun, AZƏRTAC

Merbok qasırğasının Çinin cənub sahillərinə yaxınlaşması nəticəsində hava şəraiti ilə əlaqədar 100 min nəfər təxliyə edilib.

Ötən bir sutka ərzində Şencen şəhərində 219 millimetr yağıntı qeydə alınıb. Dənizdəki küləkli hava şəraiti ilə əlaqədar 2 mindən çox balıqçı qayığı sahilə qayıtmağa məcbur olub. Şencen və Quancou aeroportlarından 200-dən çox uçuş təxirə salınıb. Vilayətdə şəhərlərarası dəmir yolu və avtobus reyslərində də fasilələr yaranıb, yollarda sürət həddi aşağı salınıb.

Hazırda şəhərdə və ətraf bölgədə şiddətli yağışlar davam edir. Müvafiq qurumlar gücləndirilmiş iş rejimində çalışır.

Çin Milli Meteorologiya Mərkəzi ötən gün Cənubi Çin dənizi üzərindən maksimum 65 kilometr/saat sürətlə Quandun vilayətinin sahillərinə yaxınlaşan Merbok qasırğası ilə əlaqədar xəbərdarlıq elan etmişdi. Bu, cari ildə Çində qeydə alınan ikinci qasırğadır.

Şahin Cəfərov

AZƏRTAC-ın xüsusi müxbiri

Pekin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.