DÜNYA


Çində leysan yağışlar nəticəsində 56 nəfər ölüb,  22 nəfər itkin düşüb

Pekin, 4 iyul, AZƏRTAC

Çində bir həftəyə yaxındır davam edən leysan yağışların törətdiyi fəsadlar nəticəsində 11 vilayətdə ümumilikdə 56 nəfər ölüb, 22 nəfər isə itkin düşmüş sayılır.

Çin Mülki Məsələlər Nazirliyinin məlumatında deyilir ki, Cıcian, Anhuy, Ciansi, Xubey, Xunan, Quandun, Sıçuan, Quycou və Yunnan vilayətində, Çunçin şəhərində və Quansi Caun Muxtar Rayonunda 27 mindən çox ev dağılıb, 37 min isə qismən zərər görüb. Yüz minlərlə hektar əkin sahəsini su basıb. Bəzi yerlərdə elektrik verilişində, su təchizatında ciddi fasilələr yaranıb. Bundan başqa, dəmir yolu, hava nəqliyyatında gecikmələr baş verib. Bir neçə vilayətdə çaylarda və göllərdə suyun səviyyəsi təhlükəli həddə çatıb. Siancian çayında isə suyun səviyyəsi rekord həddə (39,51 metr) qalxıb.

Ümumi maddi ziyan 25,27 milyard yuan (3,72 milyard ABŞ dolları) səviyyəsində qiymətləndirilir. Mərkəzi hökumət təbii fəlakətin nəticələrinin aradan qaldırılmasına 1,88 milyard yuan vəsait ayırıb.

Təbii fəlakət bölgələrinə Mülki Məsələlər Nazirliyinin briqadaları, habelə 3 min hərbiləşdirilmiş polis cəlb olunub.

Şahin Cəfərov

AZƏRTAC-ın xüsusi müxbiri

Pekin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.