DÜNYA


Çində vəzifəli şəxslər Nepartak qasırğasının “qurban”ı oldular

A+ A

Pekin, 18 iyul, AZƏRTAC

Çinin Fucian vilayətində Nepartak qasırğasının qarşısının alınmasını lazımınca təşkil edə bilmədiklərinə görə bir neçə vəzifəli şəxs işdən azad olunub. Bunlar - vilayətin paytaxtı Fucou şəhərinin Minçin qəsəbəsinin rəhbəri, Kommunist Partiyası Bandun rayonu təşkilatının sədri və onun müavinidir.

Xatırladaq ki, iyulun 9-dan müşahidə olunmağa başlayan Nepartak qasırğasının törətdiyi fəsadlar nəticəsində Fucou şəhərində ümumilikdə 83 sakin ölüb, 19 nəfər itkin düşüb. Şəhərdə 10 minə yaxın ev dağılıb, elektrik və kommunikasiya xətlərinə ciddi ziyan dəyib. Nepartak qasırğasının Fucou şəhərinə vurduğu ümumi maddi zərər 7,1 milyard yuan (1,1 milyard ABŞ dolları) məbləğində qiymətləndirilir. Ən çox dağıntı məhz şəhərin Minçin qəsəbəsi və Bandun rayonunda qeydə alınıb.

Şahin Cəfərov

AZƏRTAC-ın xüsusi müxbiri

Pekin

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.