DÜNYA


Çinə məxsus hərbi gəmi Yaponiya sularına daxil olub

Tokio, 3 iyul, AZƏRTAC 

İyulun 2-də səhər saatlarında Çinə məxsus hərbi-kəşfiyyat gəmisi müəyyən müddət ərzində Yaponiyanın ərazi sularına daxil olub.

AZƏRTAC NHK telekanalının yaydığı məlumata əsasən bildirir ki, Yaponiya dəniz qüvvələrinin patrul təyyarəsi həmin gəmini Hokkaydo və Aomori prefekturaları arasında, Tsuqaru boğazında şərq istiqamətində hərəkət edərkən qeydə alıb.

Bundan sonra, təqribən saat 10:40-da həmin gəmi Hokkaydo yaxınlığında yapon sularına daxil olaraq burada şərq istiqamətində yoluna davam edib. Gəminin həmin ərazini 90 dəqiqə sonra tərk etdiyi bildirilir.

Məlumatda əlavə olaraq qeyd edilir ki, beynəlxlaq hüquq hərbi-dəniz qüvvələrinə məxsus gəmilər də daxil olmaqla, bütün gəmilərə dinc məqsədlə xarici dövlətlərin ərazi sularından keçməsinə icazə verir.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.