CƏMİYYƏT


Çirkli hava ürək-damar xəstəlikləri riski yaradır

Bakı, 4 iyul, AZƏRTAC

Çirkli hava qanda “yaxşı” xolesterinin səviyyəsini aşağı salır. Bu barədə ABŞ-dan olan həkimlər xəbərdarlıq edirlər.

AZƏRTAC Rusiyada nəşr olunan “AiF Zdorovye” qəzetinə istinadla xəbər verir ki, yüksək sıxlıqlı lipoproteinlərdən ibarət “yaxşı” xolesterin ürək-damar xəstəlikləri riskini azaldır. Havanın çirklənməsi, xüsusən də avtomobillərin tüstüsü orqanizmdə “yaxşı” xolesterinin azalmasına səbəb ola bilər.

Tədqiqatda yol hərəkətinin sıx və havanın zəhərlənmə səviyyəsinin yüksək olduğu rayonlarda yaşayan orta və aşağı yaş qrupundan 600 könüllü iştirak edib. Alimlər il ərzində texniki karbonun yüksək səviyyəsinin təsirinə məruz qalanların orqanizmində “yaxşı” xolesterinin yığımının azaldığını müşahidə ediblər. Tədqiqatçıların fikrincə, şəhərlərdə yaşayanlar B qrupu vitaminləri qəbul etməlidirlər. Çünki onun qəbul edilməsi orqanizmi çirkləndirən maddələrin vurduğu zərərin təsirini azaldır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.