CƏMİYYƏT


Cari ildə 445 milyon balıq körpələri respublikanın təbii su hövzələrinə buraxılacaq

Bakı, 14 iyun, G.Mahmudlu, AZƏRTAC

Cari ilin ilk altı ayı balıq növlərinin təbii su hövzələrinə buraxılacaq ölçülərə çatdırılmasından ötrü balıqartırma mövsümünə hazırlıq dövrü sayılır. 2017-ci ilin sonunadək 445 milyon müxtəlif növ balıq körpələrinin respublikanın təbii su hövzələrinə buraxılması nəzərdə tutulub. Bunların 176 minini qızılbalıq, 20.1 milyonunu nərəkimilər, 425.5 milyonunu isə çəkikimilər təşkil edir.

Bu barədə Ekologiya və Təbii Sərvətlər Nazirliyinin Su Hövzələrində Bioloji Resursların Artırılması və Mühafizəsi Departamentinin baş müfəttişi İsmayıl Yunusov AZƏRTAC-a məxsusi müsahibəsində məlumat verib.

İ.Yunusov bildirib ki, ötən il 406.5 milyon balıq körpəsi su hövzələrinə buraxılıb ki, bunların da 7.6 milyonu nərəcinsli, 200 mini qızılbalıq, 396 milyonu isə çəkikimilərə aid olub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.