İQTİSADİYYAT


“Cəfər Cabbarlı” metro stansiyasının 1-ci yolu təmir işləri səbəbindən qısa müddətə bağlanılır

Bakı, 7 dekabr, Elvin Camalov, AZƏRTAC

Dekabrın 7-dən “Cəfər Cabbarlı” metro stansiyasının 1-ci yolu təmir-bərpa işlərinin aparılması ilə əlaqədar qısa müddətə bağlanılır.

AZƏRTAC xəbər verir ki, bu barədə “Bakı Metropoliteni” QSC-nin mətbuat xidmətinin rəhbəri Nəsimi Paşayev deyib.

O bildirib ki, təmir-bərpa işlərinin təxminən 2 həftə davam etməsi planlaşdırılır. “Xətai” metro stansiyasına gedəcək sərnişinlər “Cəfər Cabbarlı” metro stansiyasının ikinci yolundan istifadə edə bilərlər.

Qeyd edək ki, 2-ci yol “28 May” metro stansiyasından “Cəfər Cabbarlı” metro stansiyasına keçərkən soldakı yoldur. Həmçinin “Cəfər Cabbarlı” stansiyasının eskalatorundan endikdən sonrakı sol istiqamət də 2-ci yola aparır.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.