REGİONLAR


Cəlilabadda moruq bağları salınır VİDEO

Cəlilabad, 20 dekabr, İlkin Adıyev, AZƏRTAC

Cəlilabadda moruq bağları salınır. Qardaş Türkiyə və yerli fermerlərin birgə səyi nəticəsində 10 hektarlıq ərazidə moruq tingləri əkilir.

AZƏRTAC xəbər verir ki, yeni moruq sortları türkiyəli iş adamı Bilgin Üstündağ tərəfindən 4 il əvvəl Türkiyədən gətirilib və Cəlilabadda əkilərək yerli iqlim şəraitinə uyğunluğu yoxlanılıb. Təcrübə uğurlu alınıb, moruq kollarının məhsuldarlığı müsbət olub. Bundan sonra 10 hektar sahədə moruq bağının salınmasına qərar verilib.

Təsərrüfat sahibi Bilgin Üstündağ bildirib ki, sahədən yaxşı gəlir götürəcəyi təqdirdə, moruq bağının ərazisini 100 hektaradək genişləndirəcək.

Moruq kolları damcı üsulu ilə suvarılacaq.

Yeni salınan bağdan 2 ildən sonra məhsul əldə edilməsi proqnozlaşdırılır. Hər moruq kolundan 3-5 kiloqram, 1 hektardan isə 5 ton məhsul götürmək mümkün olacaq.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.