REGİONLAR


Ceyranbatanın istedadlı şagirdləri hesabat konserti ilə çıxış ediblər

Ceyranbatan, 18 iyun, AZƏRTAC 

Abşeron rayonunun Ceyranbatan Uşaq İncəsənət Məktəbinin istedadlı şagirdləri 2016-2017-ci dərs ilinin yekunlarına həsr olunmuş hesabat konserti təqdim ediblər.

AZƏRTAC xəbər verir ki, hesabat konsertində Abşeron Rayon İcra Hakimiyyətinin başçısı İradə Gülməmmədova, rayon hüquq–mühafizə orqanlarının, idarə, müəssisə və təşkilatların rəhbərləri iştirak ediblər.

Konsertdə məktəbin xor kollektivi R.Hacıyevin “Yaz gəldi” əsərini səsləndirib. Həmçinin beynəlxalq və respublika müsabiqələrinin laureatları, skripkaçılar ansamblının ifasında görkəmli bəstəkarların əsərləri ilə yanaşı, muğam və xalq mahnıları təqdim olunub.

Sonra məktəbin rəqs ansamblı Azərbaycan və dünya xalqlarının rəqslərini ifa edib.

Konsert məktəbin xor kollektivinin ifasında Müslüm Maqomayevin “Azərbaycan” mahnısının səslənməsi ilə başa çatıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.