DÜNYA


“Chevron”un gəliri və xalis mənfəəti artıb

A+ A

Bakı, 28 yanvar, Nihad Budaqov, AZƏRTAC

ABŞ-ın ən böyük ikinci neft şirkəti olan “Chevron”un ötən ilin dördüncü rübündəki gəliri 2015-ci ilin eyni dövrü ilə müqayisədə 7,9 faiz artaraq 31,5 milyard dollara yüksəlib. Şirkət 2015-ci ilin dördüncü rübündə 29,2 milyard dollar gəlir əldə etmişdi.

AZƏRTAC şirkətə istinadla xəbər verir ki, “Chevron” 2016-cı ilin sonuncu rübündə 415 milyon dollar xalis mənfəət əldə edib. 2015-ci ilin dördüncü rübündə 588 milyon dollar zərərə uğradığını açıqlamışdı.

“Chevron” korporasiyasının rəhbəri Con Vatson neftin qiymətinin ucuzlaşması fonunda şirkətin kapital xərclərini 14 milyard dollar azaltdığını bildirib. O, “Chevron”un 2017-ci ilin birinci rübündə də istehsalını və gəlirini artırmaq istədiyini deyib.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.