MƏDƏNİYYƏT


Cövdət Hacıyevin 100 illiyinə həsr olunmuş müsabiqə elan edilib

Bakı, 5 iyun, AZƏRTAC

Mədəniyyət və Turizm Nazirliyi, Üzeyir Hacıbəyli adına Bakı Musiqi Akademiyası və akademiyanın orta ixtisas musiqi məktəb-studiyası Cövdət Hacıyevin 100 illiyinə həsr olunmuş IV Respublika elmi-ifaçılıq müsabiqəsi elan edib. Müsabiqə çərçivəsində “Fortepiano, kamera-instrumental və vokal musiqisi Cövdət Hacıyev yaradıcılığında” mövzusu üzrə Respublika elmi-ifaçılıq konfransı da təşkil olunacaq.

AZƏRTAC xəbər verir ki, müsabiqə dekabrın 4-dən 11-dək keçiriləcək.

Üç yaş qrupu (9-12, 13-16, 17 və yuxarı) üzrə təşkil ediləcək müsabiqə iki mərhələdə baş tutacaq. Birinci mərhələdə müsabiqənin proqramına uyğun olaraq ifa edilən əsərlərdən hər hansı birinə dair məruzə edilməli, digər əsərlərə isə annotasiya (qısa məlumat) yazılmalıdır. Məruzənin mətni 2–4 çap vərəqi həcmində olmalıdır. İkinci mərhələdə isə birinci mərhələdə baxılan əsərlərin konsert ifası (əzbər) olacaq.

Müsabiqədə iştirak etmək istəyənlər öz ərizələrini (tam sənədlər paketi ilə birgə) təşkilat komitəsinə (AZ 1014, Bakı, Şəmsi Bədəlbəyli küçəsi, 98, Bakı Musiqi Akademiyasının orta ixtisas musiqi məktəb-studiyası) təqdim etməlidirlər: Sənədlərlə ərizə noyabrın 2-dək göndərilməlidir.

Münsiflər heyəti tərəfindən müəyyən ediləcək qaliblər mükafatlandırılacaq.

Müsabiqə ilə bağlı daha ətraflı məlumatı bu linkdən əldə etmək olar: http://mct.gov.az/az/elanlar/covdet-hajiyev

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.