İDMAN


Cüdoçumuz Elmar Qasımov “Rio-2016”da Azərbaycan millisinin aktivinə ikinci gümüş medalı yazdırıb [YENİLƏNİB]

A+ A

Bakı, 12 avqust, AZƏRTAC

Azərbaycan cüdoçusu Elmar Qasımov finalda çexiyalı Lukas Krpalekə uduzaraq XXXI Yay Olimpiya Oyunlarını gümüş medalla başa vurub. Bu Azərbaycan yığma komandasının “Rio-2016”da ikinci gümüş medalıdır. 

 X X X

Bakı, 11 avqust, AZƏRTAC

23:36

Elmar Qasımovun final görüşündəki rəqibi müəyyənləşib. Həlledici görüşdə cüdoçumuzun rəqibi çexiyalı Lukas Krpaleki olacaq.

23:21

Elmar Qasımov ukraynalı rəqibi Artem Bloşenko ilə görüşdən qalib ayrılaraq Olimpiya Oyunlarının finalına yüksəlib. E.Qasımov finala yüksəlməklə ən az gümüş medalı təmin edib.

20:01

Elmar Qasımovun yarımfinal mərhələsindəki rəqibi müəyyənləşib. E.Qasımov bu mərhələdə Ukrayna idmançısı Artem Bloşenko ilə görüşəcək. E.Qasımov növbəti görüşünü saat 23:15-də keçirəcək.

19:34

“World Masters” turnirinin qalibi Elmar Qasımov dörddəbir finalda Misir təmsilçisi Ramadan Dərvişi ippon fəndi ilə məğlub edərək yarımfinala vəsiqə qazanıb.

Azərbaycan idmançısı yarımfinal mərhələsində Artem Bloşenko (Ukrayna) - Karl-Riçard Frey (Almaniya) görüşünün qalibi ilə qarşılaşacaq.

19:17

Cüdoçumuzun dörddəbir finaldakı rəqibi Misir təmsilçisi Ramadan Dərviş olacaq. R.Dərviş 2016-cı ildə keçirilən böyüklər arasında cüdo üzrə Afrika çempionatının qalibidir.

19:07

Elmar Qasımov növbəti qələbəsini qazanıb. O, səkkizdəbir final mərhələsində Əlcəzair idmançısı Lyes Bouyakouba qalib gələrək dörddəbir finala adlayıb.

Təmsilçimiz dörddəbir finalda Ramadan Dərviş (Misir) – Xose Armenteros (Kuba) görüşünün qalibi ilə tatami üzərinə çıxacaq.

17:34

Cüdoçumuzun növbəti mərhələdəki rəqibi müəyyənləşib. Tbilisi Qran-pri yarışının qalibi Elmar Qasımov səkkizdəbir finalda Lyes Bouyakoub (Əlcəzair) ilə qarşılaşacaq.

17:22

Bakı, 11 avqust, AZƏRTAC

Rio-de-Janeyrodakı XXXI Yay Olimpiya Oyunlarının altıncı günündə - avqustun 11-də mübarizəyə qoşulan Azərbaycan cüdoçusu Elmar Qasımovun çıxışı uğurlu olub.

AZƏRTAC xəbər verir ki, turnirdə 100 kiloqram çəki dərəcəsində yarışan cüdoçumuz Elmar Qasımov 1/16 final mərhələsində Rusiya təmsilçisi, Avropa, dünya və Olimpiya çempionu Tahir Xaybulayev ilə üz-üzə gəlib. Rəqibini məğlub edən Elmar Qasımov səkkizdəbir final mərhələsinə yüksəlib.

Cüdoçularımızdan Rüstəm Orucov (73 kq) avqustun 8-də keçirilmiş yarışda Rio Olimpiadasında Azərbaycana ilk gümüş medalı qazandırmışdı.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.