İDMAN
Cüdoçumuz Kənan Abdullaxanlı bürünc medal uğrunda görüşdə məğlub olub [YENİLƏNİB]
Bakı, 11 sentyabr, AZƏRTAC
Yüz kiloqram çəki dərəcəsində mübarizə aparan cüdoçumuz Kənan Abdullaxanlı bürünc medal uğrunda görüşdə özbəkistanlı Şirin Şaripova məğlub olub.
22:07
Yüz kiloqram çəki dərəcəsində mübarizə aparan cüdoçumuz Kənan Abdullaxanlı iranlı rəqibi Alizadeh Hamedi məğlub edərək bürünc medal uğrunda görüşdə iştirak etmək hüququ qazanıb. İdmançımız bu mərhələdə özbəkistanlı Şirin Şaripov ilə qarşılaşacaq. Görüş saat 00.05-də başlayacaq.
20:08
Dörddəbir finalda cənubi koreyalı Çoi Qvanqqeu ilə qarşılaşan cüdoçumuz Kənan Abdullaxanlı (100 kq) məğlub olub.
18:02
Bakı, 11 sentyabr, AZƏRTAC
XV Yay Paralimpiya Oyunlarının cüdo yarışları davam edir.
AZƏRTAC xəbər verir ki, 100 kiloqram çəki dərəcəsində mübarizəyə qoşulan Azərbaycan cüdoçusu Kənan Abdullaxanlı tatami üzərinə çıxıb. Onun səkkizdəbir finalda rəqibi ukraynalı Oleksandr Pominov olub. İdmançımız rəqibini böyük üstünlüklə məğlub edərək dörddəbir finala yüksəlib.
K.Abdullaxanlı dörddəbir finalda cənubi koreyalı Çoi Qvanqqeu ilə üz-üzə gələcək.