İQTİSADİYYAT


Daha bir bank “Elektron Hökumət” portalına qoşulub

A+ A

Bakı, 13 oktyabr, AZƏRTAC

"Elektron Hökumət" portalı ilə tərəfdaşlıq edən banklar siyahısına daha bir bank əlavə olunub. Belə ki, bu gündən etibarən "Yapı Kredi Bank" kredit əməliyyatları prosesinə elektron arayışları daxil edərək vətəndaşlara "Elektron Hökumət" portalı üzərindən daha rahat xidmət təqdim edəcək.

Portaldan AZƏRTAC-a bildirilib ki, bu elektron xidmət vasitəsilə vətəndaş banka getmədən, vaxt itkisinə yol vermədən onlayn rejimdə portala daxil olaraq sistem tərəfindən avtomatik formalaşdırılan arayışı elektron şəkildə banka ünvanlaya bilər.

Elektron arayış müxtəlif dövlət orqanlarının elektron informasiya ehtiyatları əsasında hazırlanmış elektron sənəddir. Elektron arayışlar bank xidmətlərindən istifadə zamanı vaxt itkisinin qarşısını almaqla vətəndaşın rahatlığını təmin edir. Xidmətin digər üstünlüyü vətəndaşın işlədiyi müəssisədən arayış alma zərurətinin aradan qaldırılmasıdır.

Xatırladaq ki, "Elektron Hökumət" portalının vətəndaşlara göstərdiyi bu xidməti artıq 25-dən artıq bank və kredit təşkilatları tətbiq edir.

Hazırda "Elektron Hökumət" portalı tərəfindən 13 arayış vətəndaşlara təqdim olunur.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.