CƏMİYYƏT


Daha bir xəstə Azərbaycan Tibb Universitetində müalicə olunub

Bakı, 18 may, AZƏRTAC 

Serebral koma ilə Azərbaycan Tibb Universitetinin (ATU) Tədris Cərrahiyyə Klinikasına başqa bir xəstəxanadan köçürülmüş pasiyentin anamnestik məlumatlarında Afrika ölkələrinin birində səyahətdə olduğu məlum olub.

ATU-nun mətbuat xidmətindən AZƏRTAC-a bildiriblər ki, əvvəlki xəstəxanada malyariya ehtimalı inkar olunmasına baxmayaraq müalicə həkimlərinin istəyinə əsasən universitetin klinikasının mərkəzi laboratoriyasında bir daha araşdırılıb. Klinik mikrobiologiya mütəxəssisi Leyla Rəhimli tərəfindən p falciparum-a məxsus görüntü əldə edildikdən sonra, xəstəyə malyariya diaqnozu qoyulub.

Malyariya əleyhinə preparatlarla müalicəyə başladıqdan bir neçə gün sonra pasiyentin vəziyyəti stabilləşib və o 24 gün sonra tam sağlam şəkildə evə buraxılıb.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.