SİYASƏT


Daniel Panov: Birinci vitse-prezident Mehriban Əliyevanın böyük təcrübəsi Azərbaycanın beynəlxalq aləmdə rolunu daha da artıracaq

Sofiya, 2 mart, AZƏRTAC 

Azərbaycan Respublikasının Birinci vitse-prezidenti Mehriban Əliyevanın böyük təcrübəsi, dünya mədəni irsinin qorunmasına verdiyi töhfələr ölkənin beynəlxalq miqyasda rolunun daha da artmasına stimul verəcək.

Bu fikri Birinci vitse-prezident Mehriban Əliyevanın fəxri vətəndaşı olduğu Veliko Tırnovo şəhərinin meri Daniel Panov bildirib.

Mer Heydər Əliyev Fondunun dəstəyi ilə bərpa olunmuş “Trapezitsa” Memarlıq Muzeyi Qoruğunun artıq dünyanın hər yerindən qonaqları qəbul etdiyini minnətdarlıqla vurğulayıb. O qeyd edib ki, Azərbaycan gələcəkdə də multikultural müxtəlifliyin təşviqini davam etdirəcək, dünyaya tolerantlıq və demokratiya nümunəsi olacaq.

Müqəddəs Kiril və Mefodi adına Veliko Tırnovo Universitetinin rektoru Xristo Bonjolov isə deyib ki, Veliko Tırnovo Universitetinin fəxri doktoru Mehriban Əliyevanın belə yüksək etimada layiq görülməsi bu ali təhsil ocağının bütün kollektivi üçün böyük şərəfdir. O, əminliklə vurğulayıb ki, böyük peşəkarlığa, yüksək intellektə və zəngin təcrübəyə malik Mehriban Əliyeva ona göstərilən bu etimadı doğruldacaq, Azərbaycan Respublikasının sülh və rifah vahəsi kimi daha da güclənməsinə əhəmiyyətli töhfələr verəcək. Rektor Mehriban Əliyevanın humanizm, tolerantlıq və multikulturalizm naminə gördüyü işlərin yüksək dəyərə malik olduğunu diqqətə çatdırıb.

Qeyd edək ki, Mehriban xanım Əliyevanın Azərbaycan Respublikasının Birinci vitse-prezidenti vəzifəsinə təyin edilməsi Bolqarıstan mətbuatının da diqqət mərkəzində olub.

Bolqarıstanın nüfuzlu “Focus”, “Pik”, “Blitz” xəbər agentlikləri, BTV televiziya kanalı, “Standart”, “24 Çasa”, “Seqa”, “Zemya” qəzetləri, Frognews.bg, Mediapool.bg, Dnesplus.bg informasiya portalları Mehriban Əliyevanın həyat və fəaliyyəti, onun gördüyü işlər, Birinci vitse-prezident vəzifəsinə təyin olunması barədə məlumatlar yayıblar.

Yayılan informasiyalarda Azərbaycanda həyata keçirilən Konstitusiya islahatları, bu islahatların tərkib hissəsi kimi vitse-prezidentlik institutunun yaradılması haqqında da məlumat verilir.

Məlumatlarda, həmçinin Mehriban Əliyevanın rəhbərlik etdiyi Heydər Əliyev Fondunun Bolqarıstanın Veliko Tırnovo şəhərindəki “Trapezitsa” Tarixi Memarlıq Qoruğunun bərpasına etdiyi maliyyə töhfəsindən, qoruğun ötən ilin sentyabr ayında keçirilmiş açılış mərasimində onun özünün iştirakından, Veliko Tırnovo şəhərinin fəxri vətəndaşı və Müqəddəs Kiril və Mefodi adına Veliko Tırnovo Universitetinin fəxri doktoru adlarına layiq görülməsindən, ölkədə və xaricdəki fəal ictimai fəaliyyətindən bəhs edilir.

İqbal Hacıyev

AZƏRTAC-ın xüsusi müxbiri

Sofiya

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.