İDMAN


Darina Moskalenko Avropa çempionatında altıncı yeri tutub

Bakı, 7 avqust, AZƏRTAC

Triatletika (üzgüçülük, velosiped idmanı və qaçış) üzrə Azərbaycan yığmasının üzvü Darina Moskalenko Velensdə (Macarıstan) gənclər arasında Avropa çempionatında altıncı yeri tutub.

AZƏRTAC xəbər verir ki, bu çempionat bizim idmançı üçün cari mövsümdə ən mühüm startlardan biri olub, çünki yaxın vaxtlara qədər yuniorlar komandasında çıxış edən Darina bu il yaşlılar səviyyəsində özünü sınayır.

20 yaşlı Darina Macarıstanda özündən yaşca böyük rəqibləri ilə yarışıb. Ona görə də altıncı yer bu idmançı üçün çox yaxşı nəticə hesab edilir. Azərbaycan yığmasının üzvü həmin yarışlarda İsveçrə, İspaniya, Portuqaliya, İsrail, Slovakiya, Ukrayna, Rumıniya, Kanada, Finlandiya və bir sıra başqa ölkələrdən olan rəqiblərini geridə qoyub.

Çempionatda qələbə sevincini Britaniya nümayəndəsi Corciya Teylor-Braun bayram edib.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.