İDMAN


Daşkənd Qran-pri turnirində iştirak edəcək cüdo yığmamızın heyəti açıqlanıb

A+ A

Bakı, 19 sentyabr, AZƏRTAC 

Cüdo yığmamızın növbəti Olimpiya mərhələsi üçün ilk yarışı dəqiqləşib.

AZƏRTAC xəbər verir ki, komandamızın “Rio-2016”dan sonra ilk sınağı Qran-pri turnirinə təsadüf edəcək.

Millimizin baş məşqçisi Peter Zayzenbaher Özbəkistanın paytaxtı Daşkənddə təşkil ediləcək yarışa əsas heyət üzvlərini aparmayacaq. “Rio-2016”nın iştirakçılarına istirahət verən mütəxəssis Qran-pridə Murad Heydərli, Tofiq Məmmədov (hər iksi 60 kq), İlqar Müşkiyev (66 kq), Hidayət Heydərov (73 kq), Afiq Səfərli, Rüfət İsmayılov (hər ikisi 81 kq), Vasif Şərbətli, Ziya Namazov (hər ikisi 90 kq) və Cəlil Şükürovu (100 kq) sınaqdan keçirəcək.

Yarışda 17 ölkədən 150 (90 kişi, 60 qadın) cüdoçunun iştirakı gözlənilir.

Qeyd edək ki, Qran-pri oktyabrın 6-8-də keçiriləcək.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.