MƏDƏNİYYƏT


Daşkənddə keçirilən “Xalqların adət-ənənələri” festivalında Azərbaycan da təmsil olunub

Daşkənd, 20 may, АZƏRTAC

Daşkəndin Dəmiryol və Nəqliyyat Kollecində “Xalqların adət-ənənələri” adlı festival keçirilib.

Tədbirdə Daşkənddəki milli mədəniyyət mərkəzləri iştirak edib, onlar öz xalqlarının mədəniyyətini, mahnı və rəqslərini nümayiş etdiriblər.

Festivalda ölkəmizi Azərbaycanın Özbəkistandakı səfirliyi nəzdindəki Heydər Əliyev adına Azərbaycan Mədəniyyət Mərkəzi təmsil edib.

Mədəniyyət mərkəzi üçün ayrılmış guşədə Azərbaycanın bayrağı, ölkəmizin tarixi, mədəniyyəti, incəsənətindən bəhs edən nəşrlər, ulu öndər Heydər Əliyevin həyat və fəaliyyəti, Azərbaycan Prezidenti İlham Əliyevin rəhbərliyi ilə həyata keçirilən islahatlar haqqında kitablar, həmçinin suvenirlərimiz nümayiş etdirilib.

Tədbirdə AMM-in nəzdindəki “Azərbaycan qızları” uşaq rəqs ansamblı milli rəqslərimizi ifa edib.

Festivalın sonunda AMM və “Azərbaycan qızları” uşaq rəqs ansamblı da diplom alanlar sırasında olub.

Qulu Kəngərli

AZƏRTAC-ın xüsusi müxbiri

Daşkənd

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.