İQTİSADİYYAT


“DəmirBank” “Plastik kartla yığım əmanətidir” əmanət növü təklif edir

A+ A

Bakı, 22 iyul, AZƏRTAC

“DəmirBank” müştərilərə “Plastik kartla yığım əmanətidir” əmanət növü təklif edir.

Bankdan AZƏRTAC-a verilən məlumata görə, əmanətə bağlı kart daim müştərinin yanında olduğundan vəsaitə ehtiyac yarandıqda yığım kartından pul çıxartmaq və ya digər kartlarda olduğu kimi ödənişlər zamanı istifadə etmək mümkündür. Bununla bərabər, əmanətçilər istifadə olunmayan və kartda qalan vəsaitdən illik 5 faizədək gəlir qazanmaq imkanını da əldə edirlər. Plastik kart bank tərəfindən müştəriyə hədiyyə olunur. Əmanət maksimum bir illik olmaqla, AZN və USD valyutalarında açıla bilər.

Qeyd olunan əmanət növündə vəsaitin artırılmasına və istənilən zaman cəriməsiz çıxarılması mümkündür. Əmanətlərin artırılması prosesinin sadələşdirilməsi məqsədilə müştərilər üçün banka məxsus terminallardan vəsait əlavə etmək imkanı da yaradılıb. Vəsaitlər “DəmirBank”a məxsus istənilən ATM və POS terminallar vasitəsilə nağdlaşdırıldıqda heç bir komissiya haqqı tutulmur.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.