İQTİSADİYYAT


Dənizçilərin yorğunluğunu aradan qaldırmaq üçün texnologiya hazırlanır

Bakı, 6 iyul, Elvin Camalov, AZƏRTAC

Dənizçilərin yorğunluğunu aradan qaldırmaq üçün texnologiya hazırlanır.

AZƏRTAC www.tradewindsnews.com  saytına istinadla xəbər verir ki, Avstraliyada yerləşən “BHP Billiton” şirkəti texnologiyanın köməkliyi ilə gəmidə çalışanların yorğunluğunu aradan qaldırmaq üçün “yorğunluq idarəetmə sistemi”nin yaradılmasını təklif ediblər.

“BHP Billiton”nun apardığı üçillik araşdırmanın nəticəsinə görə, altı aydan çox çəkən səfər gəmi adamlarının yorğunluğunu artırır, yuxu pozğunluğuna səbəb olur və ən əsası motivasiyanı azaldır. Bu da gəmidə qəza riskini yüksəldir.

Yeni layihə cihazlar və alqoritmik məlumatların analizləri əsasında işləyəcək. Bu cihazın gəmi adamlarının yorğunluğunu müəyyənləşdirməklə yanaşı, problemi həll etmək imkanı da olacaq. Texnologiyanın köməkliyi ilə gəmidəki bir çox qəzanı əngəlləmək də mümkün olacaq.

Bunun üçün əvvəlcə bioizləmə sayəsində yuxu keyfiyyəti, ürək-damar sağlamlığı və stress həddi müəyyənləşdiriləcək. Sonra məlumatlar əsasında hesabat hazırlanacaq. Qəza ehtimalını müəyyənləşdirmək üçün həmin hesabata alqoritmlər tətbiq ediləcək.

Həmçinin, yeni texnologiya yaxşı bir gəmi sahibini digərlərindən ayırmaq üçün də unikal vasitə olacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.