CƏMİYYƏT
Dərman qutularından güclü təsiredici maddə və narkotik vasitə tapılıb
Bakı, 6 iyul, AZƏRTAC
Dərman qutularından güclü təsiredici maddə və narkotik vasitə tapılıb.
Dövlət Gömrük Komitəsinin mətbuat xidmətindən AZƏRTAC-a bildirilib ki, Biləsuvar Gömrük İdarəsinin “Qoşa Təpə” gömrük postunda İran İslam Respublikasından Azərbaycan Respublikasına piyada gələn İran vətəndaşına məxsus iki ədəd dərman qutusunda, təsiredici maddəsinin ümumi miqdarı 10 qram olan tramadol və təsiredici maddəsinin ümumi miqdarı 5,98 qram olan metadon adlı dərman preparatları aşkarlanıb.
Xatırladaq ki, tramadol “Güclü təsir edən maddələrin Siyahısı”na, metadon isə “Azərbaycan Respublikasının ərazisində dövriyyəsi məhdudlaşdırılan narkotik vasitələr”in II Siyahısına daxildir.
Faktla bağlı araşdırma aparılır.