ELM VƏ TƏHSİL


Dillər Universitetində yenilik: Tələbələr vaxtından əvvəl təcrübə keçəcəklər

Bakı, 31 iyul, AZƏRTAC

Azərbaycan Dillər Universitetində (ADU) 2017/2018-ci tədris ilində “Təcrübədən əvvəl təcrübə” layihəsi həyata keçiriləcək.

ADU-dan AZƏRTAC-a bildiriblər ki, layihənin əsas məqsədi tələbələrlə media orqanları arasında əlaqə qurmaq, onların KİV-lərdə praktik biliklər əldə etmələrinə şərait yaratmaqdır.

Universitetin rektoru, akademik Kamal Abdullanın təşəbbüsü ilə reallaşdırılacaq layihə çərçivəsində tələbələr istehsalat təcrübəsi dövründən əvvəl də qəzet redaksiyalarında, informasiya agentliklərində, saytlarda təcrübə keçmək şansı qazanacaqlar.

Sentyabrda həyata keçirilməsi planlaşdırılan layihə ADU-nun KİV-lərlə əlaqələrinin möhkəmlənməsində tələbələrin birbaşa iştiraklarına imkan verəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.