MƏDƏNİYYƏT


Dolma Festivalında Meksika mətbəxinin “Tamal”ı təqdim olunacaq

Bakı, 15 iyul, AZƏRTAC

Xaçmaz şəhərində keçirilən ikinci Beynəlxalq Dolma Festivalında ilk dəfə olaraq Meksika mətbəxinin “Tamal”ı təqdim olunacaq.

Səfirlikdən AZƏRTAC-a bildirilib ki, təqdimatın keçirilməsində əsas məqsəd ikitərəfli mədəni əlaqələrin inkişafına töhfə vermək, UNESCO tərəfindən Bəşəriyyətinin Qeyri-Maddi Mədəni İrsi elan olunmuş Meksika mətbəx nümunələrini təşviq etmək və milli adətləri tanımaqdır.

Qeyd edək ki, “Tamal”ın kökü ispanların Meksikaya gəlişindən əvvəlki dövrə aiddir. O zaman həmin yemək dini mərasimlər zamanı ehsan kimi təqdim olunurdu. Meksika mətbəxi və mədəniyyətində vacib yer tutan “Tamal”ın 500-dən çox növü var. “Tamal” necə hazırlanır? Şirin və ya şirin olmayan hazır içlik xəmirlə qarışdırılır və ya xəmirə doldurulur. Sonradan banan, qarğıdalı yarpaqlarına və digər yarpaqlara bükülərək buxarda bişirilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.