DÜNYA
“Domio” qurğusu təhlükəsizlik kaskalarını simsiz kolonkaya çevirir
Bakı, 28 iyun, AZƏRTAC
Təhlükəsizlik kaskaları ilə idmanla məşğul olan zaman qulaqlardan istifadə məhdudlaşır və bu da öz növbəsində qulaqcıqla musiqini dinləyərkən müəyyən narahatlıq yaradır. Bu problemi həll etmək üçün təhlükəsizlik kaskalarına bərkidilərək mikrovibrasiya texnologiyası vasitəsilə onları simsiz kolonkalara çevirən yeni “Domio” qurğusu hazırlanıb.
AZƏRTAC “ictnews.az” saytına istinadla xəbər verir ki, “Domio” kaskaya səsi mikrovibrasiyalar vasitəsilə ötürür, bu da istehsalçıların sözlərinə görə, 360 dərəcəlik səs yaratmaqla ətraf mühitin səsini saxlayır.
Çəkisi 85 qram təşkil edən “Domio” suya və toza davamlıdır.
Hazırda qurğu üçün əvvəlcədən sifarişlər qəbul olunur. Qiyməti 49 dollardan başlayan qurğunun istehsalına bu ilin payızında başlamaq nəzərdə tutulur.