İQTİSADİYYAT


“Domodedovo” Hava Limanı Gömrük İdarəsinin əməkdaşları ilə fikir mübadiləsi aparılıb

A+ A

Bakı, 20 sentyabr, AZƏRTAC

“Domodedovo” Hava Limanı Gömrük İdarəsinin əməkdaşları ilə fikir mübadiləsi aparılıb.

Dövlət Gömrük Komitəsinin mətbuat xidmətindən AZƏRTAC-a bildirilib ki, fikir mübadiləsi Hava Nəqliyyatında Baş Gömrük İdarəsində Rusiya Federasiyası Federal Gömrük Xidmətinin “Domodedovo” Hava Limanı Gömrük İdarəsinin əməkdaşları ilə işçi görüşü zamanı aparılıb.

Görüşdə Dövlət Gömrük Komitəsi Fəaliyyətin Qiymətləndirilməsi və İnkişaf Proqramları Baş İdarəsinin rəisi İqbal Babayev, Hava Nəqliyyatında Baş Gömrük İdarəsinin rəisi Sadiq Abduyev və aidiyyətı qurumların nümayəndələri, “Domodedovo” Hava Limanı Gömrük İdarəsinin rəis müavini Marat Murtuzəliyev, “Domodedovo” Hava Limanı Gömrük İdarəsinin yük şöbəsinin rəisi Sergey Aliferov və həmin şöbənin gömrük müayinəsi bölməsinin rəisi Dmitri Lefter iştirak edib.

Fəaliyyətin Qiymətləndirilməsi və İnkişaf Proqramları Baş İdarəsinin rəisi İqbal Babayev Azərbaycan gömrüyündə həyata keçirilən islahatlar, tətbiq olunan innovasiya layihələri, VAİS sistemi və “bir pəncərə” prinsipi barədə qonaqları məlumatlandırıb.

Hava Nəqliyyatında Baş Gömrük İdarəsinin rəisi Sadiq Abduyev rəhbərlik etdiyi qurumun fəaliyyəti, ölkəmizdəki hava limanları barədə qonaqlara məlumat verib və onları maraqlandıran sualları cavablandırıb.

Görüşün 1-ci günündə sərnişinlər tərəfindən daşınan yüklərə gömrük nəzarətinin və gömrük əməliyyatlarının həyata keçirilməsi, gömrük nəzarəti zamanı ilkin məlumatların istifadəsi, sərnişinlər haqqında ilkin məlumatların dəyərləndirilməsi mövzusunda ətraflı fikir mübadiləsi aparılıb, qonaqlar Hava Nəqliyyatında Baş Gömrük İdarəsinin sərnişin şöbəsinin fəaliyyəti ilə tanış olublar.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.