DÜNYA


Donald Tramp ABŞ-ın nüvə cəbbəxanasının qüdrətini KXDR-ə xatırladıb

Vaşinqton, 9 avqust, AZƏRTAC

ABŞ Prezidenti Donald Tramp son bir neçə gündə Birləşmiş Ştatları təhdid edən Koreya Xalq Demokratik Respublikasının (Şimali Koreya) ünvanına söylədiyi silsilə fikirlərini davam etdirib.

AZƏRTAC xəbər verir ki, Prezident Tramp avqustun 9-da Twitter vasitəsilə bəyanat yayaraq, ölkəsinin nüvə cəbbəxanasının qüdrətini vurğulayıb. O, həmçinin ümidvar olduğunu bildirib ki, bu cəbbəxanadan istifadə etməyə ehtiyac qalmayacaq.

D.Trampın nüvə cəbbəxanası haqqında fikirləri Şimali Koreya Sakit okeanda ABŞ ərazisi olan Quamuya raket zərbəsi endirmək planlarını nəzərdən keçirdiyini bəyan edəndən sonra səslənib. Buna cavab olaraq, ABŞ Prezidenti avqustun 8-də öz şərhində qeyd edib ki, Şimali Koreyanın Birləşmiş Ştatlara hər hansı təhdidi “od-alov və şiddətlə” qarşılanacaq.

D.Tramp özünün yeni məlumatında bildirib ki, ABŞ Prezidenti vəzifəsində onun ilk fərmanı ölkənin nüvə cəbbəxanasının bərpası və modernləşdirilməsi məsələləri ilə bağlı olub. D.Tramp ABŞ-ın nüvə cəbbəxanasının qüdrətinə toxunaraq yazıb: “İndi o, əvvəlkindən xeyli güclü və qüdrətlidir. Ümidvaram ki, biz bu qüdrətdən heç vaxt istifadə etməli olmayacağıq. Ancaq biz daim dünyanın ən qüdrətli ölkəsi olacağıq!”.

Yusif Babanlı

AZƏRTAC-ın xüsusi müxbiri

Vaşinqton

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.