DÜNYA


Donald Tramp ABŞ-ın strateji neft ehtiyatlarını satmağı planlaşdırır

Bakı, 24 may, Nihad Budaqov, AZƏRTAC

ABŞ Prezidenti Donald Tramp 2018-ci ilin dövlət büdcəsi layihəsi çərçivəsində ölkənin strateji xam neft ehtiyatlarının yarısını satmağı planlaşdırır.

AZƏRTAC xəbər verir ki, Ağ Evdən ABŞ Konqresinə göndərilən 2018-ci ilin dövlət büdcəsinin qanun layihəsinə görə, ölkənin strateji xam neft ehtiyatlarının oktyabr ayında başlayacaq 2018-ci maliyyə ilindən etibarən qarşıdakı 10 ildə mərhələli olaraq satılmasının planlaşdırıldığı bildirilir.

Bu satışdan 2018-ci ildə 500 milyon dollar, 2018-2027 maliyyə illəri arasında isə ümumilikdə 16,6 milyard dollar gəlir əldə edilməsi planlaşdırılır.

ABŞ-ın Enerji İnformasiya Administrasiyasının (EIA) məlumatına görə, hazırda ölkənin 688 milyon barrel strateji xam neft ehtiyatı var.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.