DÜNYA


Donald Tramp: Birləşmiş Ştatlar döyüşə hazırdır

Vaşinqton, 12 avqust, AZƏRTAC

ABŞ Prezidenti Donald Tramp cümə günü Şimali Koreyanı yenidən hədələyərək bildirib ki, ABŞ hərbçiləri “döyüşə hazırdırlar”. Rəsmi Pxenyan isə, öz növbəsində, Trapmı Koreya yarımadasında vəziyyəti nüvə müharibəsi həddinə çatdırmaqda ittiham edib.

AZƏRTAC xəbər verir ki, Pentaqonun bəyanatında Birləşmiş Ştatlar və Cənubi Koreyanın planlaşdırılmış birgə hərbi təlimləri on gündən sonra başlanacağı bildirilir. Şübhəsiz, bu təlimlər Şimali Koreyanı daha da qıcıqlandıracaq. Prezident Tramp Çini Pxenyana təzyiq göstərməyə və Şimali Koreyanın “ipini yığmağa” çağırıb. Tramp deyib ki, tezliklə bu barədə Çinin Prezidenti Si Cinpin ilə söhbət edəcək. Şimali Koreya ilə münaqişəli vəziyyətə münasibət bildirən Tramp özünün tvitter səhifəsində yazıb ki, “bu məsələnin həllinin hərbi yolları tamamilə işə salınıb və əgər Şimali Koreya ağılsız hərəkət edərsə, biz döyüşə hazırıq. Ümidvaram ki, Kim Çen İn başqa yol tapacaq!”.

Yusif Babanlı

AZƏRTAC-ın xüsusi müxbiri

Vaşinqton

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.