DÜNYA


Donald Tramp köməkçisi Maykl Filinni istefaya göndərməsinə peşman olub

Bakı, 19 may, AZƏRTAC

ABŞ Prezidenti Donald Tramp milli təhlükəsizlik üzrə sabiq köməkçisi, quru qoşunlarının istefada olan generalı Maykl Filinnin Ağ evə qayıdacağına ümid edir.

AZƏRTAC TASS informasiya agentliyinə istinadla xəbər verir ki, bu barədə “The Daily Beast” nəşri məlumat yayıb. “Donald Tramp Maykl Filinni istefaya göndərdiyi üçün peşmandır və təhqiqat başa çatdıqdan sonra onun geri dönəcəyini səmimi şəkildə güman edir”, - nəşr Ağ evdə vəziyyətlə tanış mənbədən sitat gətirir.

Xatırladaq ki, Maykl Filinn bu ilin yanvarında ABŞ Prezidenti Donald Trampın milli təhlükəsizlik üzrə köməkçisi vəzifəsini tutub. Bir ay sonra “The Washington Post” qəzeti onun Rusiyanın ABŞ-dakı səfiri Sergey Kislyakla sanksiyalar barədə söhbəti barədə xəbəri dərc etdikdən sonra istefa verməyə məcbur olub.

Filinn isə öz növbəsində Rusiya səfiri ilə sanksiyalar barədə danışmadığını və 35 rusiyalı diplomatın ABŞ-dan çıxarılması məsələsini müzakirə etdiyini bildirib. Bu, formalaşdırılan Tramp administrasiyasında ilk istefa olub.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.