DÜNYA


Donald Tramp qaçqınlar barədə fərmana görə tənqidlərə məruz qalıb

Bakı, 28 yanvar, AZƏRTAC

“Facebook” sosial şəbəkəsinin banisi Mark Sukerberq ABŞ Prezidenti Donald Trampın qaçqınlar haqda fərmanını tənqid edib.

AZƏRTAC xarici KİV-lərə istinadla xəbər verir ki, əcdadlarının Almaniya, Avstriya və Polşadan gəldiyini qeyd edən Sukerberqin sözlərinə görə, ABŞ köçkün millətlərdən ibarətdir və bununla fəxr etməlidir.

Həmçinin 11 Nobel mükafatı laureatı və minlərlə digər məşhur alim ABŞ Prezidentinin fərmanına qarşı petisiya imzalayıb. Petisiyaya gələcəkdə ABŞ-da keçiriləcək konfransları və elmi qurultayları boykot edə biləcək xarici akademiklərin də qoşulması ehtimalı var. Həmçinin xarici tələbələr təhsillərini bu ölkədə davam etdirə bilməyəcəklərindən narahatdırlar.

Bir qədər əvvəl Trampın nənə və babasının da ABŞ-a Almaniyanın Kalştadt şəhərindən gəldiyi deyilirdi.

Qeyd edək ki, son günlər Birləşmiş Ştatların prezidenti miqrasiya siyasətini sərtləşdirən üç fərman imzalayıb. Donald Tramp yanvarın 27-də mühacir qəbulunu 120 gün müddətinə dayandıran, Suriya qaçqınlarını yerləşdirməyi qeyri-müəyyən vaxta qədər qadağan edən və ölkəyə bəzi giriş qaydalarını sərtləşdirən fərmanı təsdiqləyib. Tramp imzalanma mərasimində bundan sonra ölkəni “xarici terrorçulardan” qorumaq üçün qaçqınların seçiminin “ekstremal” olacağını da qeyd edib.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.