İQTİSADİYYAT


Doqquz ayda Cənubi Qafqaz Boru Kəmərinin gündəlik orta ötürücülüyü 20 milyon kubmetr qaz olub

A+ A

Bakı, 18 noyabr, AZƏRTAC

Cari ilin ilk doqquz ayında Cənubi Qafqaz Boru Kəmərinin (CQBK) gündəlik orta ötürücülüyü 20 milyon kubmetr qaz olub. Yanvar-sentyabr aylarında CQBK ilə bağlı fəaliyyətlərə təqribən 21 milyon dollar əməliyyat və 764 milyon dollar əsaslı xərclər sərf edilib.

Bu barədə AZƏRTAC-a “BP-Azerbaijan” şirkətindən məlumat verilib.

Qeyd edək ki, boru kəməri 2006-cı ilin sonlarında istismara verilib, Azərbaycan, Gürcüstan və Türkiyəyə “Şahdəniz” qazını çatdırır. Kəmərin iki operatoru var – BP şirkəti CQBK obyektlərinin tikintisi və istismarı üzrə məsul texniki operatoru, SOCAR isə CQBK-nın biznes icrası üzrə məsul kommersiya operatorudur.

Cənubi Qafqaz Boru Kəməri şirkətinin sərmayədarları belədir: BP (operator – 28,8 faiz), “AzCQBK” (10 faiz), “SNG Midstream” (6,7 faiz), “Petronas” (15,5 faiz), “LUKOIL” (10 faiz), “NICO” (10 faiz), və TPAO (19 faiz).

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.