MƏDƏNİYYƏT


Doqquz müxtəlif istiqaməti əhatə edən metodiki vəsait hazırlanıb

A+ A

Bakı, 25 noyabr, AZƏRTAC

Mədəniyyət və Turizm Nazirliyinin Mədəniyyətşünaslıq üzrə Elmi-Metodiki Mərkəzi tərəfindən doqquz müxtəlif istiqaməti əhatə edən metodiki vəsaitlər hazırlanıb.

Nazirlikdən AZƏRTAC-a bildirilib ki, bu doqquzluğa - “Dəyirmi masaların təşkili qaydaları”, “Mədəniyyət müəssisələrində ictimaiyyətlə əlaqələr işinin təşkili”, “Xalq tamaşalarının və oyunlarının səhnələşdirilməsi”, “Heydər Əliyev Mərkəzlərinin ekspozisiyalarının nümunəvi tematik strukturu”, “Mədəniyyət müəssisələrinin əməkdaşları üçün sosial şəbəkələr haqqında ilkin biliklər”, “Uşaq xoru və onunla işin mahiyyəti” adlı metodiki tövsiyələr, həmçinin “Musiqi savadı və musiqi dinləmə”, “Azərbaycan xalq musiqisinin əsasları” kimi fənn üzrə gündəlik dərs planları daxildir.

Nazirliyin tövsiyəsinə əsasən hazırlanmış vəsaitlərin müvafiq mədəniyyət müəssisələrinə göndərilməsi ilə yanaşı, yerlərdə təqdimatların aparılması da nəzərdə tutulub.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.