MƏDƏNİYYƏT


“Dostluq körpüsü” adlı folklor rəqs festivalı davam edir

Bakı, 13 iyul, AZƏRTAC

Bakı Şəhər Mədəniyyət və Turizm Baş İdarəsinin təşkilatçılığı ilə paytaxtımızda “Dostluq körpüsü” adlı II beynəlxalq folklor-rəqs festivalı davam edir. Tədbirin məqsədi uşaq və gənclərin istedadlarının inkişaf etdirilməsi, xalqlar arasında dostluq əlaqələrinin daha da möhkəmləndirilməsidir.

İdarədən AZƏRTAC-a bildirilib ki, festivala ölkəmizlə yanaşı, Rusiya, İran, İsrail, Moldova, Latviya və Gürcüstandan olmaqla 400-dən çox rəqqas qatılıb.

Bakı Şəhər Mədəniyyət və Turizm Baş İdarəsi tərəfindən festival iştirakçıları üçün ekskursiyalar təşkil edilib. Qonaqlar “Yanardağ”, İçərişəhər, Şirvanşahlar sarayı, Qız Qalası, Qala Dövlət Tarix-Etnoqrafiya Qoruğu, Azərbaycan Xalça Muzeyi və Heydər Əliyev Mərkəzi ilə tanış olublar.

Festivalın bağlanış mərasimi Mərdəkan Mədəniyyət Sarayında olacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.