CƏMİYYƏT


Dövlət Elmi Tibb Kitabxanasının elektron kataloqunda 1129 nüsxə kitab qeydiyyatdan keçib

Bakı, 21 iyun, AZƏRTAC

Səhiyyə Naziri Oqtay Şirəliyevin 2014-cü ilin dekabrında verdiyi əmrə əsasən Dövlət Elmi Tibb Kitabxanasının rəsmi saytı yaradılıb (www.snetk.az). Saytda kitabxana haqqında məlumatlarla yanaşı kitabxana fondunun elektron kataloqu da öz əksini tapıb.

Səhiyyə Nazirliyinin mətbuat xidmətindən AZƏRTAC-a bildiriblər ki, nazirliyin təşəbbüs və səyləri nəticəsində elektron kataloqun təşkil və inkişaf etdirilməsi üçün xüsusi kitabxana-biblioqrafiya proqramı yaradılıb. Həmin proqram lokal olaraq kitabxana-biblioqrafiya resurslarının hazırlanması, komplektləşdirməsi və oxuculara xidmət üçün nəzərdə tutulub. Proqram vasitəsilə ənənəvi kataloq kartoçkasının çapı da mümkündür.

Artıq proqram üzrə 1129 nüsxə kitab qeydiyyatdan keçib. Oxucular təkcə kitab haqqında ümumi məlumatlarla deyil, həm də mündəricatla tanış ola və kataloqda kitabın müəllifi, kitabın adı, açar sözlər və s. ilə əlaqədar axtarış da verə bilərlər.

Sayt dinamik şəkildə tərtib edilib. Elektron kataloqa əlavə edilən nəşrlər avtomatik olaraq sayta daxil edilir. Bundan başqa Səhiyyə Nazirliyinin saytında kitabxananın saytına link vasitəsilə də daxil olmaq mümkündür.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.