CƏMİYYƏT


Dövlət Gömrük Komitəsi: Bəzi KİV-lərin “Sınıq Körpü” postunda sıxlığın yaranmasına dair məlumatları əsassızdır

A+ A

Bakı, 13 avqust, AZƏRTAC

Bu gün bəzi kütləvi informasiya vasitələrində Tovuz Gömrük İdarəsinin Gürcüstan-Azərbaycan sərhədində yerləşən “Sınıq Körpü” gömrük postunda sıxlığın yaranması, vətəndaşların və nəqliyyat vasitələrinin sərhədi keçmək üçün saatlarla gözləməsi barədə əsassız məlumatlar yayılıb. Üstəlik məlumatda o da bildirilir ki, sıxlıq süni şəkildə yaradılır və buna etiraz olaraq vətəndaşlar sərhəddə aksiya keçirib.

Dövlət Gömrük Komitəsinin bununla bağlı yaydığı açıqlamada bildirilir ki, bu məlumatların heç bir əsası yoxdur və “Sınıq Körpü” gömrük postu gün ərzində normal iş rejimində fəaliyyət göstərib. Sıxlığın süni şəkildə yaradılması və buna etiraz olaraq vətəndaşların aksiya keçirməsi barədə deyilənlər isə ümumiyyətlə həqiqətə uyğun deyil.

Hazırda “Sınıq Körpü” gömrük postunda avtomobillərin və piyadaların keçidi qanunvericiliyə uyğun şəkildə, gömrük prosedurlarına uyğun vaxt ərzində həyata keçirilir və hər hansı sıxlıq müşahidə olunmur.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.