CƏMİYYƏT


Dövlət Miqrasiya Xidmətinin əməkdaşları üçün mənşə ölkəsi haqqında məlumatlarla bağlı təlim keçirilib

A+ A

Bakı, 1 sentyabr, AZƏRTAC

“Şərqi Avropa və Cənubi Qafqaz ölkələrində sığınacaq sistemlərinin keyfiyyətinin artırılması təşəbbüsü” layihəsi çərçivəsində BMT-nin Qaçqınlar üzrə Ali Komissarlığının (BMT QAK) Azərbaycandakı Nümayəndəliyi sentyabrın 2-də Dövlət Miqrasiya Xidmətinin (DMX) əməkdaşları üçün mənşə ölkəsi haqqında məlumatlara dair birgünlük təlim keçirəcək.

BMT QAK-ın Azərbaycandakı Nümayəndəliyindən AZƏRTAC-a bildiriblər ki, təlimin məqsədi qaçqınların və sığınacaq axtaran şəxslərin himayəsinin gücləndirilməsi üçün milli qaçqın statusunun müəyyənləşdirilməsi prosedurunun keyfiyyətinin yaxşılaşdırılması istiqamətində DMX-nin işçi heyətinin potensialını genişləndirməkdən ibarətdir.

Təlimin sessiyaları BMT QAK-ın Azərbaycandakı Nümayəndəliyinin əməkdaşları tərəfindən aparılacaq.

Azərbaycan Respublikası 2013-ci ilin aprelində fəaliyyətə başlayan Şərqi Avropa və Cənubi Qafqaz ölkələrində sığınacaq sistemlərinin keyfiyyətinin artırılması təşəbbüsü layihəsində iştirak edən altı ölkədən biridir. Bu layihə BMT QAK tərəfindən həyata keçirilir və altı ölkədə sığınacaq prosedurları, qaçqınların himayəsini yaxşılaşdırmağa yönəlib. Layihə Azərbaycan ilə yanaşı, Belarus, Gürcüstan, Moldova və Ukraynanı da əhatə edir.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.