CƏMİYYƏT


Dövlət Pedaqoji Universitetində “Bir” Tələbə-Könüllü Proqramının təqdimatı olub

A+ A

Bakı, 23 noyabr, AZƏRTAC

Azərbaycan Dövlət Pedaqoji Universitetində (ADPU) Təhsil Nazirliyinin (TN) təşkilatçılığı ilə “Bir” Tələbə-Könüllü Proqramının təqdimatı keçirilib.

ADPU-dan AZƏRTAC-a bildirilib ki, proqramın assistenti Canoğlan İlyasov bu proqramın könüllü tələbələrlə işin təşkilinin sistemləşdirilməsi, vahid məlumat bazasının qurulması məqsədilə yaradıldığını bildirib.

Ölkəmizdə bir çox irimiqyaslı tədbirlərin təşkilində və həyata keçirilməsində tələbə könüllülərin böyük rol oynadığını deyən C.İlyasov qeyd edib ki, proqram çərçivəsində onlar akademik təhsildən ayrılmadan sosial fəallıqlarını artırırlar. On səkkiz ali təhsil müəssisəsini əhatə edən proqramın seçim meyarlarına tələbənin tədbirlərdə könüllü iştirakı, ictimai fəallığı ilə seçilməsi, yüksək təşkilatçılıq, təhlil etmək və araşdırma aparmaq bacarığının olması, yaradıcılığı, rus və ingilis dillərini bilməsi və s. daxildir. Proqramın icrasının dekabrın sonlarında yekunlaşması planlaşdırılır.

Qeyd olunub ki, gələn il Azərbaycanda keçiriləcək bir neçə mötəbər idman yarışlarında və mədəniyyət tədbirlərində proqram çərçivəsində könüllü tələbələrin iştirakı nəzərdə tutulur.

Təqdimatda əyləncəli videoçarxlar nümayiş etdirilib, tələbələrin sualları cavablandırılıb.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.