MƏDƏNİYYƏT


Dövlət “Yuğ” Teatrı “Boy” tamaşasını təqdim edəcək

A+ A

Bakı, 25 yanvar, AZƏRTAC

Fevralın 1-də Azərbaycan Dövlət “Yuğ” Teatrı “Kitabi-Dədə Qorqud” dastanının motivləri əsasında hazırlanmış “Boy” tamaşasını təqdim edəcək.

Teatrın mətbuat xidmətindən AZƏRTAC-a bildirilib ki, səhnə əsərinin ideya və quruluşu Tərlan Enginə məxsusdur. Tamaşanın quruluşçu rəssamı Rəşid Şərif, rejissoru Ər-Toğrul, musiqi tərtibatçısı isə Mələk Vəlizadədir. Rolları Əməkdar artistlər Məmməd Səfa, Yaqut Paşazadə, aktyorlar Təranə Atacan, Könül Cəfərzadə, Amid Qasım, Vüqar Hacı, Elgün Həmid ifa edəcək.

A.Şaiq adına Azərbaycan Dövlət Kukla Teatrının səhnəsində nümayiş olunacaq tamaşa Mədəniyyət və Turizm Nazirliyinin sifarişi ilə hazırlanıb.

Tamaşada insanın arzuları, gələcəyə baxışları öz əksini tapıb. Vurğulanıb ki, çoxları etiraf etməsə də, hər kəs ölümsüz həyat arzulayır. Bunun yolu isə, nə qədər paradoksal səslənsə də, ölümdən keçir.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.