SİYASƏT


Dövlət müstəqilliyinin bərpasının 25 illiyi münasibətilə Goranboyda sərgi və konsert təşkil olunub

A+ A

Goranboy, 18 oktyabr, Rauf Hacıyev, AZƏRTAC

Goranboy rayonunda dövlət müstəqilliyinin bərpasının 25 illiyi münasibətilə bir sıra mədəni-kütləvi tədbirlər keçirilib.

AZƏRTAC xəbər verir ki, rayon ictimaiyyətinin nümayəndələri əvvəlcə Goranboy rayon Mərkəzi Kitabxanası tərəfindən təşkil olunan “Müstəqilliyimiz milli sərvətimizdir” adlı sərgi ilə tanış olublar. Sərgidə ümummilli lider Heydər Əliyevin çoxşaxəli siyasi fəaliyyətinin ayrı-ayrı dövrlərinə həsr olunan kitablar nümayiş etdirilib.

Sonra tədbir Azərbaycan incəsənət ustalarının hazırladığı konsert proqramı ilə davam edib. Konsertdə muğam ifaçıları Simarə İmanovanın, Zakir Əliyevin ifasında səslənən Azərbaycan muğamları, xalq mahnıları və təsniflər, eləcə də tanınmış estrada müğənnisi Nüşabə Ələsgərlinin oxuduğu mahnılar iştirakçılarda xoş ovqat yaradıb.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.