DÜNYA


Dubayda daha bir oteldə yanğın baş verib

Abu-Dabi, 7 avqust, AZƏRTAC

Yerli KİV-lərin verdiyi məlumata görə, Dubai Marina rayonunda yerləşən, turistlər arasında çox populyar olan “Movenpick hotel Jumeirah Beach Residence” otellərin birində yanğın baş verib.

Yerli vaxtla səhər saat 10 radələrində başlanmış yanğın az sonra mülki müdafiə xidməti tərəfindən nəzarətə alınıb. Oteldə qalanların hamısı vaxtında təxliyə edildiyi üçün onların arasında zərərçəkən olmayıb.

Xatırladaq ki, bu, son iki həftədə həmin rayonda üçüncü belə hadisədir. Keçən cümə günü dünyanın ən uca göydələnlərindən birində - 87 mərtəbəli “Torch Tower” qülləsində baş vermiş yanğın nəticəsində 38 mənzilə ziyan dəyib. Bazar günü elə həmin rayonda 73 mərtəbəli “Tiger Tower” yaşayış qülləsində daha bir yanğın baş verib, lakin bu yanğın tezliklə lokallaşdırılıb.

Asya Hacızadə

AZƏRTAC-ın xüsusi müxbiri

Abu-Dabi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.