İQTİSADİYYAT


Dünya Turizm Təşkilatının baş katibi Taleb Rufai ictimaiyyətə müraciət edib

A+ A

Bakı, 4 iyul, AZƏRTAC

Bu il 27 sentyabr - Dünya Turizm Günü “Hamı üçün turizm” devizi altında keçiriləcək.

AZƏRTAC Dünya Turizm Təşkilatının (DTT) saytına istinadla xəbər verir ki, Dünya Turizm Günü münasibətilə DTT-nin baş katibi Taleb Rifai ictimaiyyətə rəsmi müraciət edib.

Müraciətdə bildirilir ki, son 50 ildə turizmdə inqilabi dəyişiklik baş verib. 1950-ci ildə beynəlxalq turistlərin sayı 25 milyon olubsa, hazırda bu rəqəm 1,2 milyarda çatıb. Səyahət insanların həyat tərzinin mühüm hissəsinə çevrilib. Biz səyahət edərkən müxtəlif insanlar, görməli yerlər və yeni ideyalarla tanış oluruq. Biz ölkələri gəzdikcə dünyagörüşümüz dəyişir, daha yaxşı keyfiyyətlər qazanırıq. Lakin unutmamalıyıq ki, səyahət çoxumuz üçün kifayət qədər çətin proses ola bilər. Hesablamalara görə, dünya əhalisinin 15 faizi bu və ya digər formada məhdud imkanlara malikdir. Dünyada 1 milyard insan başqa xalqların mədəniyyəti ilə tanış olmaq, təbiətdən zövq almaq, görməli yerlərə səyahət etmək imkanlarından məhrumdur. Səyahətin hamı üçün əlçatan olması ideyası turizm siyasəti və işgüzar strategiyada mərkəzi yeri tutmalı, təkcə insan haqları kimi deyil, həm də böyük bazar və işgüzar imkanlar kimi nəzərdən keçirilməlidir.

Hər kəsin planetimizin qeyri-adi müxtəlifliyindən və təbiətin gözəlliyindən zövq almaq hüququ olduğunu xatırladan DTT-nin baş katibi Taleb Rifai bütün ölkələri, turizm sənayesi və bu sahə ilə əlaqədar sahələri fiziki mühitdə, nəqliyyat sistemində, ictimai müəssisə və idarələrdə, informasiya və telekommunikasiya kanallarında turizmin əlçatan olması ideyasını təşviq etməyə çağırıb. Müraciətin tam mətnini aşağıda qeyd edilən linkdən http://media.unwto.org/content/official-messages-world-tourism-day-0 oxumaq olar.

Dünya Turizm Gününün rəsmi mərasimi sentyabrın 27-də Tailandın paytaxtı Banqkokda keçiriləcək.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.