MƏDƏNİYYƏT
Dünya brendi “Christian Dior” da Bakı Şopinq Festivalına qatılıb
Bakı, 13 aprel, AZƏRTAC
“Christian Dior”un Neftçilər prospektində yerləşən eyniadlı mağazası Bakı Şopinq Festivalına qoşulub.
Azərbaycan Konqreslər Bürosundan AZƏRTAC-a bildirilib ki, bu gündən etibarən, festivalın sonunadək, mağaza müştərilərin yolunu daha sərfəli təkliflərlə gözləyəcək. Alıcılar üçün seçilmiş mallara 30 faizədək endirim təklif ediləcək. Neftçilər prospektində yerləşən və üstündə “Baku Shopping Festival – Tax Free” loqosu olan “Christian Dior” mağazasında şopinq etməklə, dünyanın aparıcı brendlərindən birində alış-veriş etmək imkanı Bakı Şopinq Festivalında!
Festivala qoşulmuş mağazalar xarici turistlərə və Azərbaycan vətəndaşlarına sərfəli şərtlərlə öz mallarını təklif edəcəklər. Bakı Şopinq Festivalı çərçivəsində alıcılar “Baku Shopping Festival – Tax Free” stikerini gördükləri mağazalarda festival zamanı aldıqları malların əlavə dəyər vergisini (ƏDV) geri ala biləcəklər.
Bundan əlavə, festivala qoşulan mağazaların sayı hər gün artmaqdadır. Qeydiyyatdan keçmiş və hər gün əlavə olunan yeni mağazaların ümumi siyahı ilə http://bakushopfest.com/ru/istirakcilarin-siyahisi/ linkində tanış olmaq olar. Həmin mağazalar mayın 10-dək müştərilərə endirim və güzəştlər təqdim edəcəklər.
Sevdiyiniz, bəyəndiyiniz malları sərfəli qiymətlərlə əldə edib üstəlik ƏDV vergisini də geri almaq istəyirsinizsə Baku Şopinq Festivalı boyu iştirakçı mağazalarda alış-veriş etməyə tələsin!
Qeyd edək ki, hər il təşkil ediləcək Bakı Şopinq Festivalı bu il mayın 10-dək davam edəcək. Növbəti festivalın keçirilməsi bu ilin oktyabrına nəzərdə tutulub. Azərbaycan Respublikasının Prezidenti İlham Əliyevin 2016-cı il 1 sentyabr tarixli Sərəncamı ilə təsdiq edilmiş, “Azərbaycan Respublikasında ixtisaslaşmış turizm sənayesinin inkişafına dair Strateji Yol Xəritəsi”nə əsasən, hər il keçiriləcək şopinq festivallarının təşkili Azərbaycan Respublikası Mədəniyyət və Turizm Nazirliyinin nəzdində Konqreslər Bürosuna həvalə edilib.