İDMAN


Dünya ralli çempionatının 7-ci mərhələsində  “M-Sport” komandasının pilotu qalib gəlib

Bakı, 12 iyun, AZƏRTAC

Dünya ralli çempionatının (WRC) İtaliyanın Sardiniya adasında keçirilən yeddinci mərhələsində “M-Sport” komandasının estoniyalı pilotu Ott Tanak qələbə qazanıb.

AZƏRTAC “Autosport” jurnalına istinadla xəbər verir ki, Ott Tanak yeddinci mərhələdə 19 dövrədən ibarət 313 kilometrlik məsafəni 3 saat 25 dəqiqə 15,1 saniyəyə qət edərək karyerasında ilk qələbəsinə sevinib.

“Toyota Gazoo Racing” komandasının pilotu Yari-Matti Latvala liderdən 12,3 saniyə sonra gələrək finiş xəttini ikinci keçib. Üçüncü yeri isə “Hyundai Motosport” komandasının üzvü Tyerri Noyvil tutub. O, liderdən 1 dəqiqə 7,7 saniyə gec gəlib. Son dörd ildə çempionatın qalibi və cari mövsümün lideri Sebastian Ogier (M-Sport) yarışı beşinci sırada tamamlayıb.

Beləliklə, yeddi mərhələdən sonra Sebastian Oger 141 xalla çempionatda liderliyini davam etdirir. Tyerri Noyvil 123 xalla ikinci, Ott Tanak isə 108 xalla üçüncü sırada qərarlaşıb. Yari-Matti Latvala 107 xalla dördüncü, Daniel Sordo (Hyundai Motosport) isə 70 xalla beşincidir.

WRC-nin səkkizinci mərhələsi iyunun 29-dan iyulun 2-dək Polşada keçiriləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.