DÜNYA


Dünya şöhrətli fotoqraf Riçard Avedonun əsərləri Fransada nümayiş olunacaq

A+ A

Bakı, 11 oktyabr, AZƏRTAC

Oktyabrın 18-də Fransa Dövlət Kitabxanasında məşhur amerikalı fotoqraf Riçard Avedonun fotolarından ibarət sərgi açılacaq.

“Avedonun Fransası: köhnə dünya, yeni baxış” adlı sərgidə fotoqrafın xüsusi seçilmiş 200-dək işi təqdim olunacaq. Sərgilənəcək fotolar musiqi, rəqs, ədəbiyyat, kinematoqrafiya və incəsənətin müxtəlif sahələrini və dünya mədəniyyətini əhatə edən mövzulardadır.

Sərgidə, həmçinin məşhurların portretləri, eləcə də dünya şöhrətli rejissor Stenli Donenin fotoqrafın karyerasından təsirlənərək ekranlaşdırdığı “Məzəli üz” filmi, onun həmmüəllifi olduğu Jak-Anri Lartiqin “Yüzilliyin gündəlikləri” kitabı və fotoqrafın uzun illər fotoqrafiyanın digər incəsənət növləri ilə birləşdirməyi təcrübədən keçirdiyi “Egoiste” fransız jurnalı təqdim olunacaq.

Sərgi 2017-ci il fevralın 26-dək davam edəcək.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.