DÜNYA


Dünyada ilk dəfə insana süni ürək köçürən cərrahın ürəyi dayandı

A+ A

Bakı, 19 noyabr, AZƏRTAC

Dünyada ilk dəfə insana süni ürək köçürülməsi əməliyyatını həyata keçirən məşhur cərrah Denton Kuli ABŞ-da 96 yaşında vəfat edib

AZƏRTAC xəbər verir ki, Reuters agentliyinin məlumatına görə, Kuli cümə günü səhər Hyustondakı evində dörd qızının əhatəsində dünyasını dəyişib.

Denton Kuli 1968-ci ildə dünyada ilk dəfə olaraq uğurlu ürəkköçürmə əməliyyatı aparmışdı. Bir il sonra isə donor növbəsinə dayanmış 47 yaşlı pasientə süni ürək köçürərək onun həyatını xilas etmişdi. Süni ürək pasienti 65 saat həyatda saxlamış və bundan sonra əsil ürəklə əvəz olunmuşdu.

Agentlik bildirir ki, Denton Kuli karyerası ərzində 100 minə yaxın əməliyyat aparıb və bir sıra mükafatlara layiq görülüb. Onların arasında ABŞ-da mülki şəxslərə verilən yüksək mükafatlardan biri – Azadlıq prezident medalı da var.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.