REGİONLAR


Dünyanı pulsuz gəzən çexiyalı turistlər Azərbaycanda VİDEO

Xaçmaz, 11 may, Elxan Yusifli, AZƏRTAC

Pul xərcləmədən beş aydır səyahət edən çexiyalı turistlər Azərbaycana gəlib. Çexiyadan səfərə başlayan Kristina Çvojkova və Vajteç Bryanaç avtostopla hərəkət edirlər. Beş ay ərzində artıq 8 ölkəni gəziblər. On gündən çoxdur Azərbaycanda olan turistlər ölkəmizə İrandan gəliblər.

AZƏRTAC xəbər verir ki, respublikamızla tanışlığa Astara rayonundan başlayan çexiyalılar Lənkəran, Qobustan, Bakı, Siyəzən, Quba və Xaçmazda olublar. Onlar səyahətləri boyu nəqliyyatla yanaşı, gecələmək üçün də pul xərcləmirlər. Belə ki, Kristina və Vajteç özləri ilə daşıdıqları çadrlarda gecələyirlər.

Vajteç Bryanaç Azərbaycanda ilk dəfə olduqlarını bildirərək deyib: “Azərbaycan haqqında bir neçə filmə baxmışdım. Burada olduğum müddətdə palçıq vulkanları, yanar su və başqa maraqlı yerlər gördüm. Hər gün yeniliklə qarşılaşırıq. Səfər təəssüratlarımı dostlarımla bölüşəndə Azərbaycan haqqında xoş sözlər söyləyəcəm”.

Kristina Çvojkova da Azərbaycanı cəlbedici ölkə sayır. “Azərbaycan haqqında əvvəl çox şey bilmirdik. Buranın gözəl təbiəti, dağları bizi heyran etdi. Qobustanda qayaüstü rəsmləri gördük. Yerli sakinlərlə tanış oluruq, onlarla ünsiyyət qurmağa çalışırıq. İnsanların bizə münasibəti çox gözəldir”, - deyə çexiyalı turist təəssüratlarını bölüşüb.

Çexiyalı turistlərin Azərbaycanda səyahəti hələ bir həftə də davam edəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.