SİYASƏT


Elmar Məmmədyarov: ATƏT-in Minsk qrupunun həmsədrləri oktyabrda regiona səfər edəcəklər VİDEO

A+ A

Bakı, 29 sentyabr, Elvin Camalov, AZƏRTAC

ATƏT-in Minsk qrupunun həmsədrləri oktyabrda həm Azərbaycana, həm də Ermənistana səfər edəcəklər.

AZƏRTAC xəbər verir ki, bu sözləri xarici işlər naziri Elmar Məmmədyarov jurnalistlərə açıqlamasında deyib.

Nazir bildirib ki, Nyu-Yorka işgüzar səfəri zamanı həmsədrlərlə görüşüb. “Onlar görülən işlərin davam etdirilməsinin vacibliyini bildirib və təklif ediblər ki, regiona səfər etsinlər. Çox güman ki, bu səfər oktyabr ayının ikinci yarısında olacaq. Səfərin tarixi hazırda dəqiqləşdirilir”, - deyə nazir vurğulayıb.

E.Məmmədyarov qeyd edib ki, ola bilər həmsədrlərin səfərindən sonra prezidentlərin görüşü və ya görüşlə bağlı hansı təkliflərin irəli sürüləcəyi müəyyənləşsin.

Nyu-Yorkdan əvvəl Moskvada olduğunu deyən nazir rusiyalı həmkarı Sergey Lavrovla da bu məsələni müzakirə etdiyini diqqətə çatdırıb.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.