İQTİSADİYYAT


“Elmlər Akademiyası” metro stansiyasının 1-ci vestibülü sentyabrın 15-də istifadəyə veriləcək

A+ A

Bakı, 9 sentyabr, Elvin Camalov, AZƏRTAC

“Elmlər Akademiyası” metro stansiyasının 1-ci vestibülü sentyabrın 15-də istifadəyə veriləcək.

AZƏRTAC xəbər verir ki, bu barədə “Bakı Metropoliteni” QSC-nin mətbuat xidmətinin rəhbəri Nəsimi Paşayev deyib.

O bildirib ki, “Elmlər Akademiyası” metro stansiyasının 1-ci vestibülündə aparılan təmir işləri başa çatmaq üzrədir, işlərin əksər hissəsi görülüb.

Stansiyanın 1-ci vestibülünün açılışı oktyabr ayına planlaşdırılmasına baxmayaraq, sentyabrın 15-də yeni dərs ilinin başlamasını, xüsusilə də “Elmlər Akademiyası” stansiyasında sıxlıq yaranacağını nəzərə alaraq, sentyabrın 15-də stansiyanın açılışı nəzərdə tutulur.

Qeyd edək ki, vestibülün bağlanmasına səbəb 3 eskalatorun istismar müddətini başa vurması olub. Buna görə də həmin vestibüldəki hər 3 eskalator sökülərək yeni, müasir eskalatorlarla əvəzlənib. Eskalatorla yanaşı, stansiyanın birinci vestibülü də təmir edilir.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.