DÜNYA


“Emmi” mükafatını “Taxt oyunları” və “Vitse-prezident” serialları qazanıb VİDEO

A+ A

Bakı, 19 sentyabr, AZƏRTAC

Fentezi janrında çəkilmiş “Taxt oyunları” serialı Amerika Televiziya Akademiyasının təqdim etdiyi əsas “Emmi” mükafatına layiq görülüb. Həmçinin nominasiyaların sayına görə də lider olan film artıq ardıcıl olaraq ikinci ildir ki, ən yaxşı dramatik serial adını qazanır.

AZƏRTAC Euronews telekanalına istinadla xəbər verir ki, mükafatın 68-ci təqdimetmə mərasimi sentyabrın 18-də Los-Ancelesdə baş tutub.

Bu ilin ən yaxşı komediya serialı adını isə 2012-ci ildən ekrana çıxan “Vitse-prezident” filmi alıb. Serialda baş rolda çıxış edən Culiya Lui-Dreyfus “Ən yaxşı komediya aktrisası” mükafatına layiq görülüb.

Qeyd edək ki, 1949-cu ildə televiziya üçün təsis edilən “Emmi” mükafatı kinematoqrafiya sahəsində təqdim olunan “Oskar” mükafatı qədər əhəmiyyətli sayılır.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.